佳士拿賽前話佢上個禮拜六有特別去到意大利現場睇費倫天拿作客對維羅納嘅比賽，今場比賽嘅戰術部署亦都好成功，退後俾費倫天拿有控球，然後睇準時機壓迫、截擊，轉守為攻。

伊斯美拿沙亞取得今季第6個協會聯賽入波；馬迪達兩個半月以來，第一次正選上陣射入十二碼；米曹今季協會聯賽嘅入波多過聯賽，而呢場係水晶宮近三個禮拜以來第一場比賽。

呢場費倫天拿應該係需要踢三中堅，去應對對方嘅傳中波同減少後防嘅空間。摩西堅恩缺陣，費倫天拿嘅入球能力更加打折扣，減少失波數字應該係首要目標，但球隊並無清晰嘅諗法同部署，直到比賽尾段都係咁樣。

歐洲協會聯賽1/4決賽首回合賽事賽果-華歷簡奴3-0 AEK雅典水晶宮3-0 費倫天拿緬恩斯2-0 史特拉斯堡薩克達3-0 艾克馬亞

UEFA Europa Conference League1/4 Finale