何猷君奚夢瑤法國補辦婚禮 王嘉爾做伴郎谷愛凌到賀.賭王兒子何猷君同名模奚夢瑤2019年求婚成功後領證結婚，誕下一子一女。兩人終於喺當地時間6月1日喺法國補辦婚禮，主題為「承諾如約而至」，並預告9月返澳門舉行答謝禮。婚禮歡迎晚宴設喺法國諾曼底一座百年歷史莊園，現場保留古樸石磚同半木結構建築特色。賭王四太梁安琪、奚夢瑤父母、一對仔女齊齊合照，場面溫馨。奚夢瑤身穿藍色蝴蝶結禮服，優雅靈動，透視Cut out設計晒美腿，保守得體。晚宴最大驚喜係奧運冠軍谷愛凌現身，留言大讚奚夢瑤係「最美的新娘」。

據知每份伴手禮超過7,000港元，奚夢瑤身上嘅冰藍色釘花紗裙價值超過20萬人民幣，佩戴嘅頂級鑽石套裝包括超30卡耳環、超66卡手鍊及7卡以上鑽戒，全身鑽石總重超過100卡，總值估計逾半億人民幣。前韓國GOT7成員王嘉爾擔任伴郎，佢早前晒出行程，用「飛機、鑽戒、教堂」低調官宣，賓客更率先晒出佢西裝上陣嘅伴郎照，官仔骨骨，盡顯神仙友情。