魔音女團｜喬美莎大晒Model身形 絕美黑白照迷暈網民. 《魔音女團》最終成團成員之一嘅喬美莎（Chelsea），近日喺社交平台大晒靚相冧粉絲。身高178cm嘅喬美莎睇得又跳得，現年只有21歲，前途無可限量。相中嘅喬美莎以簡單嘅白色素Tee配牛仔褲上陣，雖然打扮樸素，但佢身材比例驕人，氣場十足，十足名模一樣。其中一組四格黑白照，喬美莎簡單擺出四個表情，已經靚到飛起，網民紛紛留言大讚：「so prettyyy」、「女神寶寶」、「會唔會太靚！」喬美莎喺《魔音女團》中脫穎而出成功成團，加上得天獨厚嘅身形同舞技，未來發展備受期待。TVB