鍾翠詩小背心上陣 「鬆郁矇」寫真無損神顏.2024年港姐十強鍾翠詩（Tracy），同時係《2023年度溫哥華華裔小姐競選》亞軍及最上鏡小姐，畢業於加拿大西門菲沙大學傳理、藝術與科技學院傳理學系，絕對係美貌與智慧並重！不時喺社交平台派福利嘅鍾翠詩，日前又上載一輯唯美寫真益粉絲。相中嘅佢以小背心、短裙上陣，大晒弗爆身型，相片嘅朦朧光影反而令整個畫面更有氛圍感，加上煞食甜笑冧暈唔少網民，紛紛留言「黑色魅力」、「So sweet, so gorgeous」。

鍾翠詩入行後加入TVB娛樂新聞台做外景主持，其後有份參演《俠醫》、《正義女神》，喺《俠醫》飾演女主角張曦雯同事「Chloe」，戲份唔多但憑甜美靚樣引起關注。早前佢參加《魔音女團》海選，雖然未能入圍16強，都吸納咗唔少粉絲支持。TVB