【明報即時】岑逸飛離世 享年81歲 港台《講東講西》播放懷念特輯

只要做好自己嘅角色，遇到咩人和事都值得感恩，因為佢哋都係成就自己嘅人生。」（香港電台Facebook圖片）

資深傳媒及文化人岑逸飛（飛哥、外號「山今老人」）今早於家中安詳離世，享年81歲。岑逸飛多年來跟香港電台合作無間，於今年2月8日最後主持《講東講西》，港台的社交平台悼念飛哥，並於5月3日 (星期日)港台一台早上10時《講東講西》播放「懷念岑逸飛特輯」。

港台的懷念岑逸飛帖文提到哥飛多年來透過不同類型的節目分享識見，貢獻不菲。全文如下：

「飛哥博聞強志，亦係易學專家。曾主持港台節目《五行術數概論》(1986年)、《易經現代化》(1987年)、《百科巡禮—中國傳統音樂》(1990年)、《詩經與人生》(1990年)、《五稜鏡》(1990年代)、《寫意空間》、《漫遊百科》等。佢亦喜愛旅遊，足跡遍及全球。九十年代中期，佢為港台網站撰寫唔少高質素嘅文化遊記，暢談自己嘅旅遊體會。

飛哥最為港台聽眾熟悉嘅節目，相信係九十年代已開始主持嘅電台節目《講東講西》，無論係時事評論、歷史、文化、科學、哲學、易經、佛學……飛哥都手到拿來，分析獨到。喺第一台《一分鐘閱讀》文化環節中，飛哥不吝介紹各類好書，將書本精髓簡化成一分鐘精華，公諸同好。佢喺節目中流露嘅溫文、博學又帶風趣幽默嘅風格，令唔少聽眾喺輕鬆氣氛下增長寶貴知識。

飛哥熱愛生命，敬業樂業。儘管近期抱恙，佢仍心繫節目，時刻記掛聽眾，直至今年2月8日最後一次主持《講東講西》為止，皆盡顯專業精神。佢曾經講過：『人生就像一齣戲，只要做好自己嘅角色，遇到咩人和事都值得感恩，因為佢哋都係成就自己嘅人生。』感恩這些年來有您同行，為巿民大眾開啟智慧之門。 飛哥，衷心多謝您！」

（即時娛樂）